No 8 Joer soll et also ferdeg sin mam Infoladen Schréibs an der Kulturfabrik Esch, ex-Schluechthaus. Den Infoladen as eng Plaz wou Leit sech kennen begeinen, wou ech och selwer Leit begeint sinn, elo schwetzen ech vu mir. Ech hun emmer font, dat des Plaz eng speziell Aura hat, eng Atmospher, an der villes meiglech as, an eng Art lescht Bastioun vun der sozial- an kulturkritescher Jugend, an der een op Ideen kennt an des och emsetzen kann. Bestemmt hun vill Leit dat ähnlech emfont.
Nodeems mer eis als Queesch Gedanken gemaach hun iwwert d’Wunnen, an eis dobai Gedanken gemaach hun iwwert de Raum an seng sozioekonomesch Topologie, mengen ech datt et hei erem eng Keier net aanescht as, wei an allen aaneren groussen Stied get den ehemols besaatenen Frairaum vun der Jugend an der Konscht iergendwann akkapareiert vun der Bourgeoisie, zu der des selwecht Jugend ginn as, an dei elo hei an engem schicken Restaurant kann zu metteg iessen. Den Dilemma as awer, dat et an desem Land op manst net mei vill Flecken gin, dei nanet akkapareiert gi sin.
